काठमाडौं— नेपाली बजारमा आज सुनको मूल्य तोलामा ३ सय रुपैयाँले घटेको छ । 

नेपाल सुनचाँदी व्यवसायी महासङ्घका अनुसार मंगलबार प्रतितोला १ लाख १६ हजार ३ सय रुपैयाँमा कारोबार भएको छापावाला सुनको मूल्य आज ३ सयले घटेर १ लाख १६ हजार रुपैयाँ कायम भएको हो ।  

त्यस्तै, आज तेजाबी सुनको मूल्य पनि तोलामा ३ सय रुपैयाँले घटेर १ लाख १५ हजार ४ सय ५० रुपैयाँमा कारोबार भइरहेको छ । 

चाँदीको मूल्य भने आज तोलामा १० रुपैयाँले घट्दै १ हजार ४ सय रुपैयाँमा कारोबार भइरहेको छ ।