काठमाडौं— साताको चौथो कारोबारको दिन नेपाली बजारमा बिहीबार सुनचाँदीको मूल्य स्थिर रहेको छ ।

मंगलबार र बुधबार लगातार उकालो लागेर नयाँ रेकर्ड कायम गरेको सुनको मूल्य बिहीबार भने स्थिर छ । आज चौथो दिन सुन प्रतितोला एक लाख १९ हजार तीन सय रुपैयाँ कायम छ । यो मूल्य बुधबार कायम रेकर्डको स्थिर मूल्य हो ।

नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख १९ हजार तीन सय रुपैयाँ र तेजाबी सुन प्रतितोला एक लाख १८ हजार सात सय ५० रुपैयाँमा कारोबार भइरहेको छ। 
बुधबार प्रतितोला १ हजार पाँच सय २० रुपैयाँमा किनबेच भएको चाँदीको आज पनि सोही मूल्य कायम छ ।