काठमाडौं— नेपाली बजारमा शुक्रबार सुनको मूल्य घटेको छ ।

बिहीबार प्रतितोला १ लाख १२ हजार पाँच सय रुपैयाँ कारोबार भएको सुन शुक्रबार चार सय रुपैयाँ घटेर १ लाख १२ हजार एक सय रुपैयाँमा कारोबार भइरहेको छ ।

त्यसैगरी शुक्रबार तेजाबी सुनको मूल्य १ लाख ११ हजार पाँच सय पचास पुगेको छ । बिहीबार तेजाबी सुनको मूल्य तोलामा १ लाख ११ हजार नौ सय पचास थियो ।

शुक्रबार एक तोला चाँदीको मूल्य एक हजार चार सय २५ रुपैयाँ पुगेको छ । बिहीबार चाँदीको मूल्य तोलामा एक हजार चार सय दश पुगेको थियो ।