अपडेट
तालिमप्राप्त कुकुरबाट गैरीगाउँ हत्या घटनाको अनुसन्धान
काठमाडौं— काठमाडौं महानगरपालिका–३२ तीनकुने गैरीगाउँस्थित चार जनाको वीभत्स हत्या घटना नेपाल प्रहरीले
तालिमप्राप्त कुकुरबाट अनुसन्धान सुरु गरेको छ ।
गैरीगाउँको दिव्य सःमिलभित्र काठले बनेको एक तले जस्ताको टहरोमा गएराति धारिलो हतियारबाट चार जनाको हत्या भएको छ ।
काठमाडौं उपत्यका प्रहरी कार्यालयका प्रवक्ता तथा प्रहरी वरिष्ठ उपरीक्षक दिनेशराज मैनालीले तालिमप्राप्त कुकुरसमेत लगी अनुसन्धान कार्य सुरु गरिएको जानकारी दिए ।
अहिले मुचुल्कालगायतको कार्य सम्पन्न गरी शव परीक्षणको लागि महाराजगञ्जस्थित शिक्षण अस्पताल पठाइएको मैनालीले जानकारी दिए ।
प्रकाशित मिति: शनिबार, भदौ ३०, २०८० ०९:०६
थप समाचार
