काठमाडौं— चन्द्रमाको दक्षिणी ध्रुवमा बुधबार चन्द्रयान–३ को सफल अवतरण गराउन सफल भारतले सूर्यको अध्ययनका लागि अन्तरिक्ष यान पठाउने घोषणा गरेको छ ।
सेप्टेम्बर २ का दिन श्रीहरिकोटाको सतिस धवन स्पेस सेन्टरबाट रकेटमार्फत आदित्य एल–१ रोबोटिक यानलाई अन्तरिक्षमा पठाइने भारतीय अन्तरिक्ष अनुसन्धान संगठन इसरोलेलाई उद्धृत गर्दै बीबीसी हिन्दीले जनाएको छ ।
इसरोका अनुसार शनिबार बिहान ११ बजेर ५० मिनेटमा पहिलो सूर्यअभियान अन्तर्गत आदित्य एल–१ रोबोटिक यानलाई अन्तरिक्षमा पठाइनेछ ।
‘आदित्य एल–१ सूर्यको अध्ययन गर्ने पहिलो अन्तरिक्षमा आधारित भारतीय मिसन हुनेछ । अन्तरिक्ष यानलाई सूर्य–पृथ्वी प्रणालीको ल्यागरेन्ज बिन्दुको वरिपरि हलो कक्षमा पठाइनेछ, जुन पृथ्वीबाट करिब १५ लाख किलोमिटर टाढा छ,’ इसरोले भन्यो ।
🚀PSLV-C57/🛰️Aditya-L1 Mission:
— ISRO (@isro) August 28, 2023
The launch of Aditya-L1,
the first space-based Indian observatory to study the Sun ☀️, is scheduled for
🗓️September 2, 2023, at
🕛11:50 Hrs. IST from Sriharikota.
Citizens are invited to witness the launch from the Launch View Gallery at… pic.twitter.com/bjhM5mZNrx
