काठमाडौं— नेपाल सुनचाँदी व्यवसायी महासंघले सोमबारका लागि सुनको मूल्य सार्वजनिक गरेको छ ।

महासंघका अनुसार छापावाला सुन प्रतितोला एक लाख ११ हजार एक सय रुपैयाँमा कारोबार भएको छ । आइतबार पनि सोही मूल्यमा कारोबार भएको थियो ।

तेजावी सुनको मूल्य एक लाख १० हजार ५५० रुपैयाँ तोकिएको छ । महासंघका अनुसार पछिल्लो चार दिनसम्म सुन मूल्य स्थिर रहेको छ ।

सोमबार चाँदीको मूल्य प्रतितोला पाँच रुपैयाँले घटेर एक हजार ४६० रुपैयाँ कायम भएको छ ।