कांग्रेस संसदीय दल समितिको बैठक बस्दै
काठमाडौं— नेपाली कांग्रेस सभापति शेरबहादुर देउवाले संसदीय दलको समितिको बैठक बोलाएका छन् ।
बिहीबार अपरान्ह ४ बजे देउवा निवासमा बस्ने बैठकमा संसदीय गतिरोध लगायतका विषयमा छलफल हुने छ । सुन तस्करीका बारेमा छानबिन गर्न उच्च स्तरीय समिति गठनको माग गर्दै प्रमुख प्रतिपक्ष दल नेकपा एमालेले संसद् चल्न दिएको छैन ।
कांग्रेस संसदीय दलको समितिमा दलका नेता देउवासहित, दुई महामन्त्री गगन थापा र विश्वप्रकाश शर्मा, प्रमुख सचेतक रमेश लेखक र सचेतक सुशीला थिङ छन् ।
देउवाले समितिको बैठकमा उपसभापतिद्वय पूर्णबहादुर खड्का र धनराज गुरुङलाई पनि बोलाउने गरेका छन् ।
बैठकमा समसामयिक विषमा समेत छलफल हुने देउवा निकट स्रोतले जानकारी दियो ।
प्रकाशित मिति: बिहीबार, साउन २५, २०८० १४:०६
