नेपालले जित्यो प्रधानमन्त्री कप फुटबलको उपाधि
काठमाडौं— नेपालले प्रधानमन्त्री कप त्रिदेशीय फुटबल प्रतियोगिताको उपाधि जितेको छ । घरेलु मैदानमा भएकाे फाइनल खेलमा नेपालले लाओसलाई २-१ ले हराएकाे हाे ।
नेपालका लागि आयुष घलान र मनिष डाँगीले गोल गरे । खेलमा लाओसले पहिले अग्रता लिएको थियो । खेलको १७ मिनेटमा लाओसका फौथाभोङ साङभिले गोल गरेका थिए ।
७ मिनेटपछि नेपालले बराबरी गोल फर्कायो । २४ मिनेटमा आयुषले गोल गरे । उनलाई एरिक विष्टले डिबक्समा पास मिलाएका थिए । खेल सकिन ३ मिनेट बाँकी छँदा नेपालका मनिषले उत्कृष्ट गोल गरे ।
प्रकाशित मिति: शुक्रबार, चैत १७, २०७९ १९:३८
थप समाचार
