काठमाडौं— उपत्यकामा परेको भारी वर्षाले चाबहिलको तरकारी तथा फलफूल होलसेल कृषि बजार डुबानमा परेको छ । वर्षाका कारण धोबीखोलामा मंगलबार आएको बाढी चाबहिलको तरकारी तथा फलफूल होलसेल कृषि बजारमा पसेको हो । 

बाढीका कारण बिहान बेच्न राखिएका कतिपय तरकारीमा क्षति पुगेको तरकारी व्यवसायीले जानकारी दिए । सोमबारदेखि परेको भारी वर्षाले काठमाडौं आसपासका बागमती नदी किनारलगायत क्षेत्र डुबानमा परेको छ ।