काठमाडौं— प्रधानमन्त्री समेत रहेका नेकपा माओवादी केन्द्रका अध्यक्ष पुष्पकमल दाहाल प्रचण्डले केन्द्रीय समितिमा चार दिनसम्मको छलफलले पार्टीलाई एक ढिक्का बनाएको दाबी गरेका छन् । 

बुधबारदेखि प्रज्ञा भवन कमलादीमा जारी केन्द्रीय समितिको चौथो दिनको बैठकपछि सञ्चारकर्मीहरूलाई छोटो प्रतिक्रिया दिँदै उनले, बैठक सकिदाँसम्म पार्टी एक ढिक्का भएर आउने बताए । 

प्रचण्डले भने ‘लोकतन्त्रको भने पनि जनवादको भने पनि धेरै ठूलो र उच्च अभ्यास भयो चार दिनसम्म । पार्टी अब एकढिक्का भयो भन्ने महसुस  यहाँ आउने सबैलाई भएको छ  । वादविवाद र संवाद यो बैठकमा टुङ्गिँदै छ । लास्टसम्म आउँदा पार्टी एक ढिक्का भएर आउँछ ।’