धारणा राख्ने क्रम जारी
माओवादी केन्द्रको चौथो दिनको बैठक सुरु
काठमाडौं— कमलादीस्थित प्रज्ञा भवन बुधबारदेखि जारी नेकपा माओवादी केन्द्रको चौथो दिनको बैठक सुरु भएको छ ।
अध्यक्ष पुष्पकमल दाहाल प्रचण्डले प्रस्तुत गरेको राजनीति र संगठनात्मक प्रतिवेदनमाथि केन्द्रीय सदस्यहरूले धारणा राख्ने क्रम जारी छ । शुक्रबारसम्म एक सय ४१ जना सदस्यहरूले आफ्ना धारणा राखेका छन् ।
बैठकमा ३८५ जना केन्द्रीय समिति सदस्य, १९८ जना वैकल्पिक सदस्य, केन्द्रीय आयोगका ७५ जना र प्रदेश पदाधिकारीबाट १०० जना गरी जम्मा ७५८ सहभागी रहेको माओवादी कार्यालयले जनाएको छ ।
प्रकाशित मिति: शनिबार, साउन २०, २०८० १२:३८
