काठमाडौं— रुसी रक्षा मन्त्रालयले मानवरहित युक्रेनी डुंगाले कृष्ण सागर (ब्ल्याक सी) बन्दरगाह नोभोरोसियस्कमा रहेको रुसी नौसैनिक अखडामा आक्रमण गर्ने प्रयास गरेको दाबी गरेको छ ।
‘आज राति युक्रेनी सशस्त्र बलहरूले नोभोरोसियस्क नौसेना आधारमा दुई मानव रहित समुद्री डुंगाहरूद्वारा आक्रमण गर्ने प्रयास गरेको तर प्रतिकारका क्रमम मानवरहित डुंगाहरू नष्ट गरिएको छ,’ रुसको टिप्पणी छ ।
नोभोरोसियस्कमा ट्यांकरहरूमा तेल लोड गर्ने क्यास्पियन पाइपलाइन कन्सोर्टियमले सो प्रयासबाट पूर्वाधारमा कुनै क्षति नपुगेको र तेल लोडिङ कार्य सामान्य रूपमा भइरहेको जनाएको छ । यद्यपि, बन्दरगाहमा जहाज आवागमनमा अस्थायी प्रतिबन्ध लगाइएको छ ।
कन्सोर्टियमसँग पाइपलाइन प्रणाली छ । जसले काजाकिस्तानलाई नोभोरोसियस्कको बन्दरगाहसँग जोड्छ । जहाँ विश्व बजारमा ढुवानीका लागि ट्यांकरहरूमा तेल लोड गर्ने गरिन्छ ।
