काठमाडौं— नेपाल विद्यालय कर्मचारी परिषद् राष्ट्रिय समितिका अध्यक्ष गंगाराम तिवारीले सामाजिक सञ्जालमा जथाभावी नलेख्न अनुरोध गरेका छन् ।
प्रस्तावित संघीय शिक्षा ऐनमा ‘‘विद्यालय कर्मचारीका माग सम्बोधन भएन ? नेतृत्वले के हेरेर बसेको छ ?’’ जस्ता र केन्द्रीय तहका पदाधिकारीलाई गालीगलोच गरिएको थाहा पाएपछि अध्यक्ष तिवारीले मुख्य कुरा नबुझी जथाभावी नलेख्न अनुरोध गरेका हुन् ।
उनले जान्न चाहेको कुरा सोध्न मनलागे सम्बन्धित जिल्ला अध्यक्षलाई सम्पर्क गर्न अनुरोध गरेका छन् ।
अध्यक्ष तिवारीले बिहीबार सामाजिक सञ्जालमा लेखेका छन्,‘आदरणीय विद्यालय कर्मचारी मित्रहरू । सामाजिक सञ्जालमा जे मन लाग्यो त्यही लेख्ने काम बन्द गर्ने कि ? आधिकारिक रूपमा जानकारी लिन जिल्ला अध्यक्षलाई सम्पर्क गर्नुहुन अनुरोध गर्दछु ।’
विद्यालय कर्मचारी परिषद् यतिखेर संघीय शिक्षा ऐनमा कर्मचारीका माग तथा मुद्दा स्थापित गराउन विभिन्न मन्त्री, सांसद तथा नेता र सरोकारवालाको ध्यानाकर्षण गराइरहेको छ ।
