काठमाडौं— नेपाल विद्यालय कर्मचारी परिषद् राष्ट्रिय समितिको संयुक्त बैठक बुधबार ललितपुरमा बसेको छ ।

बैठक नेपाल विद्यालय कर्मचारी परिषद्ले आयोजना गरेको हो । बैठकले विभिन्न निर्णय गरेको छ ।

बैठकले गत असारमा भएको आन्दोलनको समीक्षा गरेको विद्यालय कर्मचारी परिषद्का महासचिव शान्तिनाथ योगीले जानकारी दिए ।

प्रतिवेदनमाथि उठेका प्रश्नचिह्नहरूमा सघन छलफल भएको पनि महासचिव योगीले जानकारी दिए ।

त्यसैगरी जिल्ला भेला तथा बैठकमा उपस्थित नहुने जिल्ला अध्यक्षहरूलाई स्पष्टीकरण माग गर्ने बैठकले निर्णय गरेको छ ।

विद्यालय कर्मचारी जागरण २०८० सुरु भएको पनि महासचिव योगीले जनाए । बैठकले विद्यालय कर्मचारीको आन्दोलनमा प्रत्यक्ष अप्रत्यक्ष रूपमा सहयोग गर्ने सबैलाई धन्यवाद दिएको छ ।

हेरौं बैठकका तस्बिरहरू