काठमाडौं— सरकारले तोकेको भन्दा बढी शुल्क लिएको भन्दै काठमाडौं मेडिकल कलेजको २१ औं ब्याचका विद्यार्थीले आन्दोलन थालेका छन् । 

बढी शुल्क फिर्ताको माग गर्दै विद्यार्थीले मङ्गलबार पनि कलेज अगाडि प्रदर्शन गरेका छन् । उनीहरूले विद्यार्थी शोषण बन्द गर्न माग गरे ।

त्यस्तै, सरकारले तोकेको भन्दा लिएको अतिरिक्त शुल्क फिर्ता गर्न माग गरेका छन् । एमबीबीएस पढ्ने विद्यार्थीका लागि सरकारले ३८ लाख ५० हजार रुपैयाँ शुल्क तोकिदिए पनि काठमाडौं मेडिकल कलेजले ४९ लाख रुपैयाँ लिएको विद्यार्थीको भनाइ छ ।

त्यसमध्ये ५ लाख रुपैयाँ मात्र फिर्ता दिएको र बाँकी रकम पनि फिर्ता माग्दा कलेज प्रशासनले धम्क्याउने गरेको उनीहरूको गुनासो छ ।