काठमाडौं— भारी वर्षाका कारण देशका विभिन्न ठाउँमा बाढीपहिरोको जोखिम बढेको छ ।

बाढी पूर्वानुमान महाशाखाले  पछिल्लो ३ घण्टाको अवस्थाबारे जानकारी गराउँदै मकवानपुर,चितवन, तनहुँ, नवलपरासी,पाल्पा, रूपन्देही, कपिलवस्तु, दाङ, प्यूठान, बर्दिया, कैलाली आसपास भारी वर्षा मापन भएको जनाएको छ ।

उक्त जिल्लाका साना खहरे तथा खोलामा आकस्मिक बाढी र कमजोर भिरालो जमिनमा पहिरोको जोखिम रहेको महाशाखाले जनाएको छ ।

बाढीपहिरोका कारण राजमार्ग अवरूद्ध हुन सक्ने भएकाले यात्रा गर्दा सतर्कता अपनाउन महाशाखाले आग्रह गरेको छ ।