अमूक पार्टी कार्यालयमा गएर टीका लगाउने न्यायाधीश नियुक्ति गरिन्न : धनराज गुरुङ
काठमाडौं— नेपाली कांग्रेसका उपसभापतिसमेत रहेको कानुनमन्त्री धनराज गुरुङले अमूक पार्टी कार्यालयमा गएर टीका लगाउने गरेर न्यायाधीश नियुक्ति नगर्ने प्रतिबद्धता जनाएका छन् ।
सोमबार सानेपामा जारी पार्टीको केन्द्रीय कार्यसमितिको छैटौं दिनको बैठकमा मन्त्री गुरुङ न्यायाधीश नियुक्तिको विषयमा भने अलि ढिलो भएको स्वीकार गरे ।
उनले कार्यक्षमतालाई हेरेर पहिलेजस्तो न्यायाधीश नियुक्ति भएपछि अमूक पार्टी कार्यलयमा गएर टीका लगाउँने गरेर न्यायाधीश नियुक्ति नगर्ने प्रतिबद्धता पनि जनाए ।
उनले भने,‘न्यायाधीश नियुक्तिको विषयमा अलि ढिलो भएको छ । मेरो प्रतिबद्धता कार्यक्षमतालाई हेरेर पहिले जस्तो न्यायाधीश नियुक्ति भएपछि अमूक पार्टी कार्यालयमा गएर टीका लगाउँने गरेर न्यायाधीश नियुक्ति गरिन्न ।’
प्रकाशित मिति: सोमबार, साउन ८, २०८० १८:३६
थप समाचार
