इटालीको रोम पुगे प्रधानमन्त्री
काठमाडौं— प्रधानमन्त्री पुष्पकमल दाहाल प्रचण्ड इटाली पुगेका छन् ।
संयुक्त राष्ट्र संघीय खाद्य तथा कृषि संगठनको मुख्यालय इटालीको रोममा हुन गइरहेको संयुक्त राष्ट्रसङ्घीय खाद्य प्रणाली शिखर सम्मेलनमा भाग लिन प्रधानमन्त्री दाहाल नेपाली प्रतिनिधिमण्डलको नेतृत्व गर्दै स्थानीय समय अनुसार ७ः३० बजे इटाली पुगेका हुन् ।
प्रधानमन्त्रीलाई रोमस्थित अष्ट्रियाका लागि नेपाली राजदूत भरतकुमार रेग्मी र इटालीको परराष्ट्र मन्त्रालयका अधिकारीहरूले स्वागत गरेका थिए ।
अतिकम विकसित राष्ट्रहरूको अध्यक्षको हैसियतमा उक्त कार्यक्रमको उद्घाटन समारोहमा प्रधानमन्त्रीले सम्बोधन गर्ने कार्यक्रम रहेको छ । हालै नेपालले पाँच वर्षका लागि अतिकम विकसित राष्ट्रहरूको ग्लोबल कोर्डिनेशन ब्युरोको अध्यक्षता ग्रहण गरेको छ ।
प्रकाशित मिति: आइतबार, साउन ७, २०८० १५:२७
थप समाचार
