क्रियाशील सदस्य बढाएर मात्रै कांग्रेस सङ्गठित नहुने डा सशाङ्क कोइरालाको भनाइ
काठमाडौं— नेपाली कांग्रेसका डा शशाङ्क कोइरालाले क्रियाशील सदस्य बढाएर मात्र पार्टी सङ्गठित नहुने बताएका छन् ।
कांग्रेसको जारी केन्द्रीय समिति बैठकमा आइतबार आफ्नो धारण राख्दै केन्द्रीय सदस्य कोइरालाले अब राम्रो मानिस चुनेर संगठन विस्तार गर्न तर्फ लाग्नु पर्ने बताए ।
उनले भने, ‘अब हाम्रो बाटो के हो ? हामीले कस्तो खालको क्रियाशील दिँदै छौं? केन्द्रबाट हो की वडाबाट हो ? क्रियाशील सदस्य बढाएर मात्र पार्टी सङ्गठित हुँदैन । तब सम्म हुँदै जब भित्रबाट नै नेपाली कांग्रेसको नीति ठीक हो भनेर लाग्दैन । त्यसैले बढाउन तर्फ भन्दा पनि राम्रो मान्छे चुनेर राखौं ।’
प्रकाशित मिति: आइतबार, साउन ७, २०८० १३:२६
