२०८४ को चुनावी परिणाम कांग्रेसको पक्षमा पार्नुपर्छ,त्यसका लागि काम गरौं : गगन थापा
पोखरा— नेपाली कांग्रेसका महामन्त्री गगन थापाले सत्तामा रहँदा होस् वा नरहँदा जनताका काममा दिनरात खट्न कांग्रेसका जनप्रतिनिधि तथा नेतालाई आग्रह गरेका छन् ।
४१औं बीपी स्मृति दिवसका अवसरमा नेपाली कांग्रेस कास्कीले पोखरामा आयोजना गरेको ‘उत्पादनसँग कांग्रेस’ विषयक परिसंवादमा महामन्त्री थापाले आगामी चार वर्ष जनताको हितमा काम गरेर २०८४ को चुनावी परिणाम कांग्रेसको पक्षमा पार्नुपर्ने बताए ।
‘नेपाली कांग्रेस सबैभन्दा ठूलो पार्टी हो,जनताको आशा र भरोसा पनि कांग्रेसप्रति नै छ’,महामन्त्री थापाले भने,‘चार वर्षमा काम गरेर देखाउन सकेनौँ भने वि.सं.२०८४ को चुनावी परिणाम कांग्रेसको पक्षमा नहुनसक्छ ।’
कांग्रेसका आठ लाख ६६ हजार सक्रिय कार्यकर्ता प्रत्येक जनताको घरमा पुगेर उनको सुखदुःखमा साथ दिन पनि उनले आग्रह गरे ।
प्रकाशित मिति: शनिबार, साउन ६, २०८० २१:४९
