काठमाडौं— नेपाली कांग्रेसका मधेस प्रदेशका सभापति कृष्णप्रसाद यादवले अनलाइन सिस्टमबाट सदस्यता लिने व्यवस्था भए मधेसका कांग्रेस सकिने धारणा राखेका छन् ।

नेपाली कांग्रेसको जारी केन्द्रीय समिति बैठकमा बुधबार आफ्नो धारणा राख्दै यादवले मधेसमा संगठन जिरो भएको र मधेसमा नेविसंघ र युवाहरूको पकड नभएको बताए ।

‘नेविसंघ र युवाहरूको हाम्रोमा पकड छैन् । युवाहरू हाम्रो हातबाट निस्क्यो भने बुढापाकाले मात्र सम्हालेर नेपाली कांग्रेस चल्दैन । अनलाइन सिस्टम एकदम सराहनीय र राम्रो छ । डिजिटल कांग्रेस हुनुपर्छ तर मलाई अलिकति डर लागेको छ । अनलाइन सिस्टमबाट गयो भने कांग्रेसलाई सिध्याउने खेल हुन्छ।’

सभापति यादवले प्रदेशलाई बाइपास गरेर सबै जिम्मेवारी जिल्लालाई मात्रै दिने भए प्रदेशको संरचना खारेज गर्न आग्रह समेत गरे ।