काठमाडौं— नेकपा एमालेले सरकारको कामप्रति चरम असन्तुष्टि जनाएको छ । 

शनिबार बसेको पार्टीको सचिवालय बैठकले सरकार समक्ष ६ बुँदे समसामयिक प्रस्ताव प्रस्तुत गर्दै सरकारका कामप्रति चरम असन्तुष्टि पोखेको हो । 

समसामयिक प्रस्तावमा सत्ता गठबन्धले संविधानको उल्लङ्घन गर्नेदेखि संवैधानिक संस्थाहरूमा हस्तक्षेप गरेको, विश्वविद्यालयमा संरक्षित संगठन बाट हस्तक्षेप गरेको, बाढीबाट भएको धनजनको क्षतिप्रति मौन बसेको, विभिन्न स्वायत्त र गैरराजनीतिक संस्थाहरूमाथि निरन्तर हस्तक्षेप गरेकोलगायतका आरोप लगाइएको छ ।