तामाङ परम्पराअनुसार गायक रोविनको अन्त्येष्टि गरिँदै
काठमाडौं— मंगलबार आफ्नै निवासमा मृत फेला परेका गायक तथा अभिनेता रोविन तामाङको आज अन्त्येष्टि गरिँदै छ ।
तामाङ परम्पराअनुसार स्वयम्भूमा अन्तिम संस्कार गरिने उनको परिवारले जानकारी दिएको छ ।
त्यसअघि अन्तिम श्रद्धाञ्जलिका लागि रोविनको पार्थिव शरीरलाई बिहान नक्शालस्थित संगीत तथा नाट्य एकेडेमी नक्शालमा राखिने छ ।
रोविनका दुई छोरीहरु छन् । उनीहरु फ्रान्समा बसोबास गर्ने भएकाले नेपाल आइपुग्न समय लागेकाले आज अन्त्येष्टि गर्न लागिएको हो ।
मंगलबार बेलुका तामाङ बूढानीलकण्ठस्थित निवासमा मृत भेटिएका थिए ।
प्रकाशित मिति: आइतबार, असार २४, २०८० ०७:४१
थप समाचार
