काठमाडौं— अख्तियार दुरुपयोग अनुसन्धान आयोगले धनुषाको नगराइन नगरपालिका– २ का वडाध्यक्ष बुलन यादव र वडा सचिव अमृत नारायण मिश्रविरुद्ध  विशेष अदालतमा मुद्दा दायर गरेको छ ।

सडक निर्माणकार्य सम्पन्न सिफारिस गरिदिएबापत सेवाग्राहीसँग ७० हजार रुपैयाँ घुस लिएको अभियोगमा आयोगले शुक्रबार विशेष अदालतमा आरोपपत्र दायर गरेको हो ।

उनीहरु घुस रकमसहित केही दिन पहिले पक्राउ परेका हुन् । आयोगले उनीहरूविरुद्ध बिगो बमोजिमको कारबाहीको माग गर्दै मुद्दा दायर गरिएको अख्तियारका प्रवक्ता भोला दाहालले बताए ।