कोशी प्रदेशका नवनियुक्त मुख्यमन्त्री थापाले शपथ लिँदै
मोरङ— नवनियुक्त मुख्यमन्त्री उद्धव थापाले शुक्रबार प्रदेश प्रमुखसमक्ष पद तथा गोपनीयताको शपथ लिँदैछन् ।
कांग्रेसका प्रमुख सचेतक भूपेन्द्र राईले बिहान साढे ८ बजे मुख्यमन्त्रीकाे शपथ लिन प्रदेश प्रमुखबाट समय प्राप्त भएकाे बताए ।
मुख्यमन्त्री थापाले ४—५ सदस्यीय मन्त्रीमण्डल बनाउने तयारी गरेका छन् ।
संविधानको धारा १६८ को उपधारा (२) अनुसार दुई वा दुईभन्दा बढी दलको समर्थनमा मुख्यमन्त्रीमा थापालाई प्रदेश प्रमुख पर्शुराम खापुङले बिहीबार नियुक्त गरेका थिए ।
प्रकाशित मिति: शुक्रबार, असार २२, २०८० ०८:०९
