राष्ट्रिय सभाको बैठक बस्दै, अवरोध गर्ने एमालेको तयारी
काठमाडौं— राष्ट्रिय सभाको बैठक आज दिउँसो १ बजे बस्ने भएको छ । बुधबार दिउँसो २ बजेर ३१ मिनेटमा बोलाइएको बैठक प्रमुख प्रतिपक्ष एमाले लगायतका दलले अवरुद्ध गरेपछि आधा घण्टाका लागि स्थगित भएको थियो ।
प्रधानमन्त्री पुष्पकमल दाहाल प्रचण्डले राजीनामा नदिएसम्म संसद् चल्न नदिने प्रमुख प्रतिपक्ष दल नेकपा एमालेले अडान कायम राखेपछि स्थगित भएको बैठक आजका लागि बैठक बोलाइएको हो ।
आफूलाई प्रधानमन्त्री बनाउनका लागि प्रितम सिंह पटक–पटक दिल्ली गएको प्रचण्डको भनाइको एमालेले चर्को विरोध गरेको छ ।
एमालेले प्रधानमन्त्री प्रचण्डले राजीनामा नगरेसम्म संसद् बैठक चल्न नदिने संसदीय दलबाटै निर्णय गरेकाले आजको बैठक पनि अवरोध गर्ने एमालेको तयारी छ ।
प्रकाशित मिति: बिहीबार, असार २१, २०८० ०९:३४
