विनियोजन विधेयक
प्रतिनिधि सभा बैठक बस्दै, यस्तो छ सम्भावित कार्यसूची
काठमाडौं— प्रतिनिधि सभाको बैठक मंगलबार पनि बस्दै छ । नयाँबानेश्वरमा बिहान ११ बजेका लागि बैठक
बोलाइएको छ ।
दोस्रो अधिवेशनको ३६औं बैठकमा विभागीय मन्त्रीहरूले विनियोजन विधेयकमाथिको छलफलमा उठेका प्रश्नको जवाफ दिने सम्भावित कार्यसूची रहेको छ ।
बैठकमा भूमि व्यवस्था, सहकारी तथा गरिबी निवारण मन्त्री, अर्थ मन्त्री, शिक्षा, विज्ञान तथा प्रविधि मन्त्री, कानुन, न्याय तथा संसदीय मामिला मन्त्री र कृषि तथा पशुपन्छी विकास मन्त्रीले आफ्नो मन्त्रालयको बजेटमाथि सांसदहरूले उठाएका प्रश्नको जवाफ दिने कार्यक्रम रहेको संसद् सचिवालयले जनाएको छ ।
प्रकाशित मिति: मंगलबार, असार १२, २०८० ०७:२९
