काठमाडौं— काठमाडौं महानगरपालिकाका प्रमुख बालेन साहले निजी विद्यालयहरूलाई कुन शीर्षकमा कति शुल्क लिन लागेको हो त्यसको जानकारी पठाउन पत्राचार गरेका छन् । सोमबार महानगरअन्तर्गत सञ्चालित सबै संस्थागत (निजी) विद्यालयहरूलाई उनले पत्र पठाएका हुन् ।

उनले भनेका छन्,‘शैक्षिक सत्र २०८०/०८१ मा कक्षा ११ मा भर्ना गरिने विद्यार्थीसँग के–के शीर्षकमा के कति शुल्क लिने हो ? काठमाडौं महानगरपालिका शिक्षा ऐन, २०७५ को दफा २७ (९)  बमोजिमको विद्यालय व्यवस्थापन समितिको निर्णयसहित शुल्क प्रस्ताव मिति ०८० आषाढ मसान्तभित्र काठमाडौं महानगरपालिकाको शिक्षा विभागमा उपलब्ध गराइदिनुहुन अनुरोध गर्दछौँ ।’