बालेनविरुद्धको मुद्दा आज पनि हेर्न भ्याइएन
काठमाडौं— काठमाडौं महानगरपालिकाका मेयर बालेन साहविरुद्ध सर्वोच्च अदालतमा दायर मुद्दा सोमबार पनि हेर्न नभ्याउने सूचीमा परेको छ ।
न्यायाधीश प्रकाशकुमार ढुङ्गानाको एकल इजलासमा सुनुवाइका लागि पेशी तोकिए पनि हेर्न नभ्याउने सूचीमा परेको हो । सामाजिक सञ्जालमार्फत बालेनले ‘अदालतको आदेश मान्दिनँ’ भन्ने अभिव्यक्ति दिएपछि अधिवक्ता वर्षाकुमारी झाले ‘अदालतको अवहेलना’ सम्बन्धी रिट निवेदन दर्ता गराएकी थिइन् ।
उक्त निवेदनमाथि सुनुवाइका लागि आइतबार पनि पेशी तोकिएको थियो । आइतबार पनि पेशी न्यायाधीश ढुङ्गानाकै इजलासमा थियो । तर न्यायाधीशले मुद्दा हेर्न भ्याएनन् ।
प्रकाशित मिति: सोमबार, असार ११, २०८० १६:०१
थप समाचार
