काठमाडौं—  चर्चित गायक प्रकाश सपूत यतिबेला साङ्गीतिक प्रस्तुतिका लागि रोमानियामा छन् ।

उनी केही दिनअघि सांगीतिक कार्यक्रमका लागि रोमानिया गएका हुन् । रोमानियामा रहेका प्रकाशमाथि हिजो राति आक्रमण भएको छ । स्टेजमा गीत गाइरहेका प्रकाशमाथि बियरको बोतल प्रहार भएको भिडिओ सामाजिक सञ्जालमा भाइरल छ ।

भिडिओ हेर्दा प्रकाशमाथि दर्शक दीर्घाबाट बियरको बोतल फ्याँकिएको देखिन्छ । उनको टाउकोमा सामान्य चोट लागेको छ । प्रकाशलाई आक्रमण गर्नेलाई त्यहाँको प्रहरीले नियन्त्रणमा लिएको छ ।

नियतले नभई रक्सीको मातमा प्रहार भएको आक्रमण गर्नेले बताएका आयोजकले जनाएको छ ।