सन्दीपविरुद्धको मुद्दामा सुनुवाइ हुँदै
काठमाडौं— नेपाली क्रिकेटर सन्दीप लामिछानेविरुद्धको मुद्दामा आज सुनुवाइ हुँदैछ । सोमबार जिल्ला अदालत काठमाडौंमा वादी पक्षले माग गरेको क्षतिपूर्तिको मुद्दाबारे सुनुवाइ हुन लागेको हो ।
यसअघि १० लाख क्षतिपूर्तिको मागलाई अदालतले खारेज गरेको थियो । उक्त माग खारेज भए पनि सर्वोच्च अदालतले पीडित राहतकोषमार्फत क्षतिपूर्तिको विषय सम्बोधन गर्नुपर्ने जनाएपछि वादी पक्षले क्षतिपूर्ति माग गर्दै पुनः जिल्ला अदालत काठमाडौंमा निवेदन दिएको थियो ।
उनीहरूले करिब ३६ हजार बराबरको माग गरेपछि अदालतले पीडितले उपचार गरेको अस्पताललाई पत्र पठाउँदै खर्च विवरण माग गरेको थियो । जिल्ला अदालत काठमाडौंले माग गरेबमोजिम अस्पतालको प्रतिवेदन प्राप्त गरेपछि आज सुनुवाइ गर्न लागिएको हो ।
प्रकाशित मिति: सोमबार, असार ११, २०८० ०९:३५
थप समाचार
