सत्तारुढ दलका सांसदको प्रश्नः
नक्कली कागजात बनाएर विदेश पठाइँदा सरकार के हेरेर बसेको छ?
काठमाडौं— राष्ट्रिय सभा सदस्य जयन्तीदेवी राईले वैदेशिक रोजगार व्यवसायिक संस्थाहरुले मनपरी ढंगले विदेश पठाइरहेको बारेमा सरकार जानकार छ की छैन भन्दै प्रश्न गरेकी छन् ।
आइतबार राष्ट्रिय सभा बैठकमा उनले वैदेशिक रोजगार व्यवसायिक संस्थाहरुले मनपरी ढंगले श्रमिकहरुलाई विदेश पठाइरहेको भन्दै सरकारले आवश्यक कदम चाल्नुपर्ने बताइन् ।
उनले नक्कली कागजपत्रहरु बनाएर वैदेशिक रोजगार व्यवसायिक संस्थाहरुले मनपरी गरिरहेकोप्रति सरकारको ध्यानाकर्षण समेत गराइन्। राईले नागरिकलाई सुरक्षितसँग वैदेशिक रोजगारीमा जाने वातावरण सिर्जना गर्न सरकारसँग माग गरिन् ।
प्रकाशित मिति: आइतबार, चैत १२, २०७९ १५:४०
