सम्बन्ध सुधार
अमेरिकी विदेशमन्त्री चीन पुगे
काठमाडौं— अमेरिकी विदेशमन्त्री एन्टोनी ब्लिन्केन दुईदिने भ्रमणका लागि बेइजिङ पुगेका छन् ।
अमेरिकी उच्च अधिकारीको पाँच वर्ष यताकै यो पहिलो भ्रमण भएको बीबीसीले जनाएको छ ।
भ्रमणका क्रममा ब्लिन्केनले चिनीयाँ समकक्षी र शीर्ष चिनीयाँ विदेश मामिला सम्बन्धी अधिकारीहरूसँग भेट गर्ने बताइएको छ । तर उनले राष्ट्रपतिसँग भेट गर्नेबारे अहिलेसम्म कुनै औपचारिक जानकारी प्राप्त नभएको बीबीसीले जनाएको छ ।
अमेरिकी अधिकारीहरूले अहिलेसम्मकै तनावपूर्ण अवस्थामा पुगेको दुईदेशबीचको सम्बन्ध सुधार यो भ्रमणको पहिलो लक्ष्य हुने बताएका छन् ।
पाँच महिना अघि नै भ्रमणको तयारी गरेका ब्लिन्केनले चिनीयाँ जासुसी बलुन अमेरिकी हवाई क्षेत्रमा देखिएपछि रद्द गरेका थिए ।
प्रकाशित मिति: आइतबार, असार ३, २०८० १०:५५
थप समाचार
