काठमाडौं— नागरिक उन्मुक्ति पार्टीका संरक्षक रेशम चौधरीले टीकापुर घटनाको विषयमा अब आफूले बोल्न बाँकी केही नरहेको बताएका छन् ।
शनिबार महेन्द्र उपाध्यायद्वारा लिखित ‘मिन्झारी’ पुस्तकको विमोचन एवं विमर्श कार्यक्रममा संरक्षक चौधरीले टीकापुर घटनामा आफूलाई मानिसको भन्दा पनि तलको व्यवहार गरिएको भन्दै गुनासो सुनाए ।
उनले भने, ‘टीकापुरको घटनापछि मलाई मानिसले त्यहि रूपमा चिन्छन् । तर, वास्तविकता त्यो होइन । टीकापुरमा जुन दिन सर्वदलीय कार्यक्रम भएको थियो । मैले त्यो दिन त्यहाँ गरेको भाषण मात्र सुनेको भए सबैले यस्तो भन्दैन थिए । मलाई त्यो घटनाको स्पष्टीकरण दिनु पनि छैन । मलाई आश्चर्य लाग्छ आफूले आफैँलाई धेरै कुराहरू स्वीकार्दा र सुन्दा सुन्दा म पनि मान्छे हुँ भन्नेमा चिक्त दुख्छ । अभिव्यक्ति गर्न खोज्छु फेरि सम्झन्छु म त जनप्रतिनिधि हो । समाज मिलाउनु पर्छ ।’
