काठमाडौं— गृहमन्त्री नारायणकाजी श्रष्ठले निर्वाचन आयोगका जिल्ला कार्यलय खारेज नहुने प्रष्ट पारेका छन् ।
बुधबार राष्ट्रिय सरोकार तथा समन्वय समितिको बैठकमा उनले सरकारले जिल्ला निर्वाचन कार्यालयलाई व्यवस्थित गर्न मात्रै खोजेको जिकिर गर्दै निर्वाचन आयोगका जिल्ला कार्यलयहरू खारेज गर्ने मनसाय नभएको बताए ।
उनले भने, ‘निर्वाचन आयोगका जिल्ला कार्यलयहरू खारेज गर्ने सरकारको आसय होइन । खारेज भएका छैनन र खारेज हुँदैनन । जिल्ला प्रसाशन कार्यलय भवनभित्र कुनै कार्यकक्ष दिएर हुन्छ या कर्मचारीहरू पनि जहाँ घटाउन सकिन्छ घटाउनु पर्छ कि भन्ने सरकारको दृष्टिकोण हो । तर, निर्वाचन आयोगसँग छलफल नगरी हुँदैन ।’
त्यस्तै, राष्ट्रहरूसँग असल र मैत्रीपूर्ण सम्बन्ध स्थापनाका लागि सरकार प्रतिबद्ध रहेको उनले बताए ।
‘स्वतन्त्र परराष्ट्र नीतिको अवलम्बन छिमेकी मित्र राष्ट्रहरूसँग समय निकटताको आधारमा असल मैत्रीपूर्ण सम्बन्ध, राष्ट्रिय सुरक्षाको प्रवर्द्धनको निम्ति देशभित्र राष्ट्रिय सहमति र एकतालाई केन्द्र विन्दुमा राख्छ । त्यसको लागि प्रतिबद्ध छौँ ।’
