काठमाडौं— राष्ट्रिय सरोकार समन्वय समिति सभापति दिलकुमारी थापा रावलले राष्ट्रिय सुरक्षा  नीतिमा साझा धारणा नबन्नुको कारणबारे गृहमन्त्रीको ध्यानाकर्षण गराएकी छन् । 

बुधबार राष्ट्रिय सरोकार समितिको बैठकमा उनले महत्वपूर्ण सवालमा राष्ट्रिय सहमति नबनेको र सरकार र मन्त्रालयबीच समेत समन्वयको अभाव देखिएकोबारे उपप्रधानमन्त्री तथा गृहमन्त्री नारायणकाजी श्रेष्ठको ध्यानाकर्षण गराएकी हुन् । 

‘राष्ट्रिय सुरक्षा नीतिमा साझा धारणा नबन्ने, परराष्ट्र नीतिमा साझा धारणा नबन्ने र हाम्रा विदेश भ्रमणहरू सधैँ आलोचित हुने विवादमुक्त हुन नसक्ने,’ उनले भनिन्, ‘सरकारले सरकार अदलबदल हुनसक्छ । तर, हाम्रो सुरक्षा नीति चाँही स्थिर हुनुपर्छ । यो दिशातर्फ हामी जानु पर्छ ।’ 

‘सरकारका अन्तर मन्त्रालय र तहगत सरकारको बीचमा सम्वन्य छैन,’ उनले थपिन् ।