काठमाडौं— राष्ट्रपति रामचन्द्र पौडेल नियमित स्वास्थ्य परीक्षण तथा उपचारपछि अस्पतालबाट डिस्चार्ज भएका छन् ।

शहीद गङ्गालाल राष्ट्रिय हृदय केन्द्रमा मंगलबार बिहान भर्ना भएका पौडेल बुधबार बिहान डिस्चार्ज भएका हुन् । अस्पतालका कार्यकारी निर्देशक डा चन्द्रमणि अधिकारीले  राष्ट्रपति पौडेलको स्वास्थ्य अवस्था सामान्य रहेको बताए ।

नियमित स्वास्थ्य परीक्षणको लागि अस्पताल गएका पौडेललाई भर्ना गरि उपचार गरेको हो । केही समयअघि भारतमा पौडेलको मुटुको अप्रेसन भएको थियो ।