प्रधानमन्त्री प्रचण्ड दाङ र दैलेख जाँदै
काठमाडौं— कुल शिरोमणि दाशु स्मृति तथा अनुसन्धान प्रतिष्ठानको आयोजनामा हुने कार्यक्रममा सहभागी हुन प्रधानमन्त्री पुष्पकमल दाहाल प्रचण्ड बुधबार दैलेख जाँदैछन् ।
दिउँसो साढे २ बजे प्रधानमन्त्री प्रचण्ड नेपाली सेनाको हेलिकप्टर मार्फत दुल्लु जान लागेका हुन् । उक्त कार्यक्रम दुल्लु नगरपालिका– १२ स्थित दह गाउँमा हुँदैछ । दह गाउँ दाहालहरूको उत्पत्ति थलो हो ।
कुल शिरोमणि दाशुको सुरुको बसोबास भएको स्थान दह गाउँमा ६६ इन्चको पूर्ण कदको प्रतिमा (सालिक) स्थापना गरिएको छ । प्रधानमन्त्री दाहालले प्रतिमा अनावरण गर्ने कार्यक्रम छ ।
यसअघि प्रचण्ड नेपाल संस्कृत विश्वविद्यालय बेलझुण्डी दाङको पाँचौँ दीक्षान्त समारोहमा सहभागि हुनेछन् ।
प्रकाशित मिति: बुधबार, जेठ ३१, २०८० ०७:०५
