काठमाडौं— नागरिकता ऐनविरूद्धको रिटमा मंगलबार सुनुवाइ हुँदैछ ।

उक्त रिट न्यायाधीशद्वय कुमार रेग्मी र हरिप्रसाद फुयालको संयुक्त इजलासमा परेको छ। यसअघि सर्वोच्च अदालतका न्यायाधीशद्वय प्रकाशमान सिंह राउत र सुष्मालता माथेमाको संयुक्त इजलासले प्रमाणीकरण भएको नागरिकता विधेयकको प्रतिलिपि राष्ट्रपति कार्यालयबाट झिकाउन आदेश दिएको थियो।

सोही इजलासले प्रधानमन्त्री तथा मन्त्रिपरिषद्को निर्णय झिकाउन पनि आदेश दिएको थियो। यस विषयमा छलफल गर्न दुबै पक्षलाई मंगलबार बोलाएको थियो। मंगलबार दुबै पक्षले यस विषयमाथि बहस गर्नेछन्।

वरिष्ठ अधिवक्ता सुरेन्द्र भण्डारीले उक्त प्रमाणीकरणविरूद्ध सर्वोच्चमा रिट निवेदन दिएका थिए।