काठमाडौं– पूर्व राष्ट्रपति डा. रामवरण यादवले लोकतन्त्र ल्याएपनि त्यसको व्यवस्थापन गर्न नसकेको बताएका छन् ।
सोमबार काठमाडौंमा आयोजित ‘शैलजा आचार्यको प्रेरणा र सान्दर्भिकताः भ्रष्टाचार विरोधी हाम्रो प्रतिवद्घता’ विषयक विचार गोष्ठीमा पूर्व राष्ट्रपति यादवले देशको सिस्टमलाई बदल्न जरुरी भएको बताए ।
उनले भने, ‘हामी देशको सिस्टम बनाउन मै लाग्यौं । हाम्रो देशले सिस्टमको लागि लडाइ गर्यो, दुर्भाग्य हामी जहिले पनि लोकतन्त्र ल्याउँछौं । व्यवस्थापन पक्ष राम्रो हुँदैन । म तपाईँहरूलाई भन्न चाहन्छु कि पढ्नुस्, मनोरञ्जन गर्नुहोस्, गुड्नुस्, भनेको बुझ्नुस् र बुझेर संसारको इतिहासमा उत्तारचढाव आएको छ । अहिले युवाहरूलाई हतार धेरै भएको छ । र, यसमा सकारात्मक पक्ष र नकारात्मक दुवै पक्ष रहेको छ । अहिले प्रविधिले जोडिएर युवाहरू हतारिएका छन् । एकैचोटी कसरी राम्रो हुन्छ । यो सिस्टम राम्रो बनेन भने त्यसमा सम्पूर्ण दोष पार्टीहरूको हुन्छ । ’
पूर्व राष्ट्रपति यादवले सबै कुराहरू सिस्टमले लानु पर्ने र काम गर्ने क्रममा केही तलमाथि भए त्यसको जिम्मा राजनीतिक पार्टीले लिनु पर्ने बताए ।
