काठमाडौं— अर्बपति समेत रहेका नेपाली कांग्रेसका सांसद विनोद चौधरीले प्रतिनिधि सभाको बैठकमा आगामी आर्थिक वर्षको बजेटमाथि धारणा राख्ने क्रममा आपत्तिजनक शब्द बोलेको भन्दै उनको भ्वाइस संसद्को रेकर्डबाट हटाइएको छ ।
बिहीबार बजेटमाथिको छलफलमा बोल्ने क्रममा उनले नेपाली उखान ‘जब पर्यो राती तब बूढी ताती’ भन्ने शब्द प्रयोग गरेका थिए । उक्त शब्दप्रति नेकपा एमाले सांसद दिपा शर्माले नियमापत्ति जनाइन् । उनले प्रतिनिधि सभा नियमावलीको २१ को ‘घ’ मा संसद्मा कसैलाई अपमान गर्न नपाइने लेखेको बताउँदै उखानलाई लिएर जहिले पनि नेपाली महिलामाथि आक्रमण गर्ने गरिएको बताइन् । त्यसपछि सभामुख देवराज घिमिरेले सो उखान लैङ्गिक मैत्री नभएको भन्दै संसद्को रेकर्डबाट हटाउन निर्देशन दिए ।
सांसद चौधरीले धान रोप्ने बेला भएपछि मात्र सरकार रासायनिक मल खोज्न हतारिने गरेको भन्दै सो सन्दर्भमा सरकारको काम ‘जब पर्यो राती तब बूढी ताती’ भन्ने उखान प्रयोग गरेका थिए ।
1687253965.png)
