प्रचण्डलाई ओलीको व्यंग्य : पूजापाठबाट अर्थतन्त्र सुदृढ हुँदैन
काठमाडौं— एमाले अध्यक्ष केपी शर्मा ओलीले पूजापाठबाट अर्थतन्त्र सुधार नहुने भन्दै व्यंग्य गरेका छन् ।
मंगलबार प्रतिनिधि सभामा प्रधानमन्त्री पुष्पकमल दाहाल प्रचण्ड र अर्थमन्त्री प्रकाशशरण महतलाई व्यंग्य गर्दै उनले पूजापाठबाट नभएर भिजनसहितको योजनाबद्ध प्रयासबाट मात्रै अर्थतन्त्रमा सुधार आउने बताए ।
उनले भने, ‘यहाँ भएन भने इन्डिया गएर १०८ किलो चढाएर भएपनि भगवान छन् नि हाम्रा किन कोसिस गर्न पर्यो भन्ने छ । तर, त्यसरी अर्थतन्त्र सुदृढ हुँदैन, संसारमा पूजापाठबाट अर्थतन्त्र सुदृढ काँहीपनि भएको छैन अर्थमन्त्रीज्यू ।’
अर्थतन्त्रको सुधारको लागि भारतसँग आस गरेको आरोप लगाउँदै उनले पूजापाठ गरेर भगवानलाई खुशी बनाएर नहुने तर्क गरे ।
योजनाबद्ध प्रयासबाट देशको अर्थतन्त्र सुधार गर्न सकिने उनको भनाइ छ ।
प्रकाशित मिति: मंगलबार, जेठ २३, २०८० १६:४९
