विद्यालय कर्मचारीको धर्ना : इकाईले पठायो केन्द्रलाई पत्र
![विद्यालय कर्मचारीको धर्ना : इकाईले पठायो केन्द्रलाई पत्र](https://newsgriha.com/uploads/posts/edu-manabsrot-teachers1684985605.jpg)
काठमाडौं— शिक्षा विकास तथा समन्वय इकाई चितवनले सामुदायिक विद्यालयमा कार्यरत विद्यालय कर्मचारीले इकाई परिसरमा गरेको (धर्ना) आन्दोलनको जानकारी पत्र शिक्षा तथा मानव स्रोत विकास केन्द्र सानोठिमी भक्तपुरलाई पठाएको छ ।
इकाई प्रमुख भूमिलाल शर्मा सुवेदीले केन्द्रलाई आइतबार पत्र पठाएका हुन् । सरकारले आगामी वर्ष २०८०/८१ को बजेटमा आफ्ना माग सम्बोधन नगरेको भन्दै देशैभरका शिक्षा विकास तथा समन्वय इकाईमा सामुदायिक विद्यालयका कर्मचारीले धर्ना दिएका छन् ।
सरकारले कुनै पनि हालतमा माग पूरा गर्नुपर्ने उनीहरूको भनाइ छ । सरकारले चालु आर्थिक वर्षमा र आगामी आर्थिक वर्षमा पनि तलबलगायत माग पूरा नगर्दा उनीहरू पीडित छन् ।
प्रकाशित मिति: आइतबार, जेठ २१, २०८० १८:४७