नक्कली भुटानी शरणार्थी प्रकरण
काठमाडौं जिल्ला अदालतमा बालकृष्ण खाणसहित तीन जनाको बयान सुरु
काठमाडौं— नक्कली भुटानी शरणार्थी प्रकरणमा हिरासतमा रहेका नेपाली कांग्रेसका नेता तथा पूर्व गृहमन्त्री बालकृष्ण खाणसहित तीन जनाको बयान सुरु भएको छ ।
काठमाडौं जिल्ला अदालतमा खाणसहित भुटानी शरणार्थी नेता टेकनाथ रिजाल र बिहीबारमात्र पक्राउ परेका ललितपुर निवासी हरिभक्त महर्जनको बयान सुरु भएको हो ।
उनीहरूको बयान न्यायाधीश प्रेमप्रसाद न्यौपानेको इजलासमा सुरु भएको हो । नक्कली भुटानी शरणार्थी प्रकरणमा प्रहरीले ३० जनालाई प्रतिवादी बनाएकोमा १८ जना पक्राउ परेका छन् भने बाँकी १२ जना फरार छन् ।
पूर्वउपप्रधानमन्त्री टोपबहादुर रायमाझीसहित १५ जनाको बयान सकिएको छ ।
प्रकाशित मिति: शुक्रबार, जेठ १९, २०८० ११:५७
थप समाचार
