नागढुंगा सुरुङ मार्गलाई ५ अर्ब २३ करोड बजेट विनियोजन
काठमाडौं— सरकारले नागढुंगा सुरुङमार्ग सम्पन्न गर्नेगरी यो वर्ष ५ अर्ब १३ करोड रुपौयाँ विनियोजन गरेको छ ।
आधाभन्दा केही बढी काम सम्पन्न भएको सुरुङ मार्ग निर्माण कार्यको लागि सरकारले यो आर्थिक वर्षमा ५ अर्ब १३ करोड रुपौयाँ विनियोजन गरेको अर्थमन्त्री डा. प्रकाशशरण महतले बताए ।
‘सुरुङमार्ग सम्पन्न गर्न ५ अर्ब १३ करोड विनियोजन गरेको छु,’ संघीय संसद्को संयुक्त बैठकमा बजेट प्रस्तुत गर्दै उनले भने ।
त्यस्तै, सरकारले नागढुंगा नौबिसे सडकखण्ड र नैबिसे–मुगलिङ सडक खण्डको स्तरोन्नति सम्पन्न गर्नका लागि पनि बजेट विनियोजन गरेको छ ।
नैविसे–मुगलिङ सडकखण्डको २५ किलोमिटर सडक निर्माण तथा स्तर उन्नतिको लागि दुई अर्ब १६ करोड विनियोजन गरिएको छ ।
यस्तै, मुग्लिन–पोखरा सडक खण्डको ५० किलोमिटर सडक विस्तार कार्य सम्पन्न गर्न पाँच अर्ब ४२ करोड विनियोजन गरिएको छ ।
प्रकाशित मिति: सोमबार, जेठ १५, २०८० १८:५४
थप समाचार
