काठमाडौं— प्रधानमन्त्री पुष्पकमल दाहाल प्रचण्डले आसन्न भारत भ्रमणलाई लिएर आफूलाई सकारात्मक सुझाव प्राप्त भएको बताएका छन् ।

सिंहदरबारमा पूर्वप्रधानमन्त्री, पूर्वपरराष्ट्रमन्त्री तथा विभिन्न दलका नेताहरूसँग छलफल गरेका उनले सञ्चारकर्मीसँग छोटो कुरागर्दै आफूले सकारात्मक सुझाव प्राप्त गरेको बताए ।

आफूले भारत भ्रमणका क्रममा गर्ने सहमति र सम्झौतामा राष्ट्रिय सहमति जुट्ने उनको विश्वास छ । 

‘पूर्वप्रधानमन्त्री तथा परराष्ट्रमन्त्रीज्यूहरुको सुझाव सुनेँ,’ उनले भने,‘अहिलेसम्म एकदम सकरात्मक छ । सबैले राष्ट्रको हितमा सकरात्मक सुझाव दिनुभएको छ ।’

प्रधानमन्त्री प्रचण्ड बुधबार भारत भ्रमणमा जाँदैछन् ।