जसपा संसदीय दलको प्रमुख सचेतकमा यादव नियुक्त
काठमाडौं— जनता समाजवादी पार्टी,नेपाल (जसपा) को संसदीय दलको प्रमुख सचेतकमा प्रदीप यादव नियुक्त भएका छन् ।
जसपा संसदीय दलका नेता उपेन्द्र यादवले शुक्रबार प्रदीपलाई प्रमुख सचेतक नियुक्त गरेको जसपाले जनाएको छ ।
उनलाई पार्टीको संसदीय दलको विधान, २०७८ को धारा १३ को १ अनुसार नियुक्त गरिएको जसपाले जनाएको छ ।
पर्सा क्षेत्र नं १ बाट प्रतिनिधि सभामा निर्वाचित सांसद यादव यसअघि शेरबहादुर देउवा नेतृत्वको सरकारमा वन तथा वातावरणमन्त्री थिए ।
प्रकाशित मिति: शुक्रबार, जेठ १२, २०८० १९:२१
