काठमाडौं— राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्ध युवराज पौडेल सफलले सर्वोच्च अदालतमा दर्ता गराउन दिएको रिट दरपिठ गर्ने आदेश बदर भएको छ ।

लामिछानेले नेपाली नागरिकता पुनः प्राप्ति गर्दा प्रक्रिया पूरा नगरेकाले उनी सांसद रहन अयोग्य रहेको भन्दै सफलले सर्वोच्चमा रिट लिएर पुगेका थिए । सो समयमा सर्वोच्चले सो रिट दर्ता नगरी दरपिठ गरिदिएको थियो ।

२८ वैशाखमा सर्वोच्च प्रशासनले सो रिट दरपिठ गरेपछि सफलले दरपिठविरुद्ध २ जेठमा निवेदन दिएका थिए । उक्त निवेदनमाथि सुनुवाइ गर्दै न्यायाधीश तिलप्रसाद श्रेष्ठको इजलासले सोमबार सो रिट दरपिठ गर्ने आदेश बदर गरेको हो ।

सर्वोच्चबाट लिखित आदेशको आइसकेपछि  रिट दर्ता गर्ने तयारीमा सफल छन् ।