काठमाडौं— नेकपा एमालेका नेता डा.भीम रावलले नक्कली भुटानी शरणार्थी प्रकरणमा संलग्नहरूलाई जोगाउन उच्च राजनीतिक तहबाट षडयन्त्र भए इतिहासले माफी नदिने बताएका छन् ।
मंगलबार सामाजिक सञ्जाल ट्विटरमा लेख्दै रावलले उच्च तहबाट षडयन्त्र भइरहेको समाचार आएका जनाएका छन् ।
‘नक्कली भुटानी शरणार्थी बनाउने अपराधमा संलग्नहरूलाई जोगाउन उच्च राजनीतिक तहबाट षड्यन्त्र भइरहेको समाचार छ । राजनीतिक वा प्रशासनिक तहको व्यक्तिले त्यसो गरेमा देश र जनताप्रति गद्दारी, शहीदको रगतको अपमान, संविधान, कानुन र शासन प्रणाली मिच्ने आपराधिक कर्म हुनेछ । इतिहासले माफी दिने छैन,’उनले लेखेका छन् ।
उक्त प्रकरणमा हालसम्म पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाणसहित १३ जना पक्राउ परेका छन् । उनीहरूलाई प्रहरीले बयान लिइरहेको छ ।
नक्कलि भुटानी शरणार्थी बनाउने अपराधमा संलग्नहरुलाई जोगाउन उच्च राजनीतिक तहबाट षडयन्त्र भइरहेको समाचार छ। राजनीतिक वा प्रशासनिक तहको व्यक्तिले त्यसो गरेमा देश र जनताप्रति गद्दारी,शहीदको रगतको अपमान,संविधान,कानून र शासन प्रणाली मिच्ने अपराधिक कर्म हुनेछ। इतिहासले माफि दिने छैन।
— Bhim Rawal, PhD (@BhimRawal179) May 16, 2023
