News Griha :: न्यूजगृह
NLIC-Below-Navigation-innerNLIC-Below-Navigation-inner
अझै पक्राउ परेनन् टोपबहादुर, अनुसन्धानमा खुट्टा नकमाउन सरकारमाथि चौतर्फी दबाब

काठमाडौं— नेपालीलाई नक्कली भुटानी शरणार्थी बनाएर अमेरिका पठाउने ठगी धन्दामा संलग्न रहेको आरोपमा हालसम्म पूर्वगृहमन्त्री बालकृष्ण खाणसहित १२ जना पक्राउ परेका छन् ।

उनीहरूविरुद्ध जिल्ला प्रहरी परिसर काठमाडौंले अनुसन्धान गरिरहेको छ । सरकारी वकिलको रोहबरमा प्रहरीले आइतबार खाणको बयान लिने तयारी गरेको छ । खाणसहित प्रहरीले तत्कालीन गृहसचिव टेकनारायण पाण्डे, एमाले नेता रामबहादुर थापा गृहमन्त्री हुँदा उनको सुरक्षा सल्लाहकार बनेका डा. इन्द्रजितराई लगायतलाई पक्राउ गरेको छ ।

khojne-ki-chhodne1684041505.jpg

Prabhu Bank

तर, अदालतबाट पक्राउ पुर्जी जारी भएर पनि एमालेका निलम्बित सचिव तथा पूर्वउपप्रधानमन्त्री टोपबहादुर रायमाझी १२ दिनदेखि फरार छन् । रायमाझी गृहजिल्ला अर्घाखाँचीमा रहेको बेला अदालतले पक्राउ पुर्जी जारी गरेको थियो । पक्राउ पुर्जी जारी भएकै दिनबाट उनी सम्पर्कविहीन भएका हुन् । आफैँ प्रहरी कार्यालयमा उपस्थित हुने भन्दै उनले प्रहरी अधिकारीलाई सम्पर्क गरेका थिए । प्रहरी कार्यालयमा उपस्थिति हुन्छु भनेको पनि आइतबार एक साता भइसक्यो । 

bhutani-sharanarthi-dabab1684041921.jpg

रायमाझीको खोजीको लागि प्रहरीको विशेष टोली परिचालन भइसकेको छ । नेपालमा मात्रै नभएर रायमाझीको भारतमा समेत प्रहरी टोलीले खोजी गरिरहेको छ । रायमाझीको बचाउमा उत्रेका एमाले अध्यक्ष केपी शर्मा ओलीले अन्ततः अनुसन्धान प्रक्रियामा असहयोग गरेको बहानामा  सचिव पदबाट निलम्बन गरेका हुन् । 

बिचौलिया केशव दुलाल, सानु भण्डारी, सागर थुलुङ राई, टङ्क गुरुङ, सन्देश शर्मा पोखरेल, सन्दीप रायमाझी, सागर राईलगायत प्रहरी हिरासतमा छन् । सन्देश यो प्रकरणका मुख्य नाइके हुन् । अहिलेसम्म उनीहरूविरुद्ध २० वटा जाहेरी परेको छ । १ सय ५४ जना पीडित प्रहरीको सम्पर्कमा छन् । ८१ जना पीडितहरूबाट १३ करोड ६३ लाख रुपैयाँ ठगी गरेको उजुरीको आधारमा प्रहरीले उनीहरूलाई पक्राउ गरेको हो । 

karadau-parne-bangala-1684041505.jpg

नक्कली भुटानी शरणार्थी प्रकरणमा खुट्टा नकमाउन र अनुसन्धानलाई निष्कर्षमा पुर्‍याउन सरकारलाई दबाब छ । सर्वसाधारण र नागरिक अगुवाको नेतृत्वमा भ्रष्टाचार विरोधी अभियान देशव्यापी भइरहेको छ । शनिबार देशका विभिन्न स्थानमा प्रदर्शन गर्दै सर्वसाधारण र नागरिक अगुवाले सरकारलाई खबरदारी गरे । यस्तै सुशासनको पक्षमा उनीहरूले ऐक्यबद्धता जनाए । नक्कली शरणार्थी प्रकरणमा ठूला नेता पक्राउ पछि प्रमुख दलका शीर्ष नेताको म्याराथन भेटघाट भइरहेको छ । आइतबार बिहानै पनि प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्ड, कांग्रेस सभापति शेरबहादुर देउवा र एमाले अध्यक्ष केपी ओलीबीच भेटघाट भयो । नक्कली भुटानी शरणार्थीको विषयमा अनुसन्धान भइरहेका बेला तीन दलका शीर्ष नेताहरूको भेटघाटलाई चासोका साथ हेरिएको छ । 

Nepali-Patro-innerNepali-Patro-inner
प्रकाशित मिति: आइतबार, वैशाख ३१, २०८०  ११:०४
sagarmatha cementsagarmatha cement
Weather Update